AMF005F Kennsla íslensku sem annars máls: Málfræði og framburður
Námskeiðið er hagnýtt námskeið þar sem sjónum verður beint að kennslu íslensku sem annars máls fyrir fullorðna. Farið verður yfir færniþættina fjóra þ.e. lestur, ritun, tal og skilning á mæltu máli og nemendum leiðbeint varðandi kennslu, verkefnagerð, námsmat og þjálfun þessara þátta í íslensku sem öðru máli. Í námskeiðinu verður gefið yfirlit yfir meginþætti hljóð- og beygingakerfis íslensku. Hugað verður að því hvernig heppilegast sé að kenna málfræði, þ.e. hvað eigi að kenna, hvernig og hvenær. Litið verður á hvernig kenna megi málfræði, beint og óbeint, í tengslum við færniþættina fjóra. Framburðarkennsla verður skoðuð með hliðsjón af hljóðfræði. Orðaforði íslenskunnar hefur sín sérkenni. Í námskeiðinu verður farið í uppbyggingu íslensks orðaforða og orðmyndun. Litið verður á hvernig kenna megi orðaforða í lestri og ritun á mismunandi getustigum og hugað að hlutverki bókmennta og menningarlæsis í kennslu íslensku sem annars máls.
Að loknu námskeiðinu eiga nemendur að vera undirbúnir fyrir kennslu íslensku sem annars máls fyrir fullorðna; þekkja aðferðir, námsefni og verkefnagerð í íslensku sem öðru máli; kunna hvernig megi þjálfa og meta mismunandi færniþætti málsins; hafa yfirsýn yfir beygingakerfi, hljóðkerfi og uppbyggingu orðaforða í íslensku; þekkja mismunandi aðferðir við kennslu málfræði; framburðar og orðaforða; átta sig á mismunandi þörfum ólíkra hópa og einstaklinga.
Yfirlits- og inngangsnámskeið í rannsóknaraðferðum annarsmálsfræða. Nemendur fá innsýn í mun eigindlegra og megindlegra aðferða í rannsóknum í hugvísindum en megináherslan verður á eigindlegar aðferðir og ýmsar tegundir rannsókna sem falla undir þær í annarsmálsfræðum. Rýnt verður í aðferðir við söfnun og greiningu gagna í tengslum við nýlegar kenningar á sviðinu. Nemendur fá innsýn í raunveruleg dæmi og takast sjálfir á við rannsóknir á þessu sviði.
Yfirlits- og inngangsnámskeið í rannsóknaraðferðum annarsmálsfræða. Nemendur fá innsýn í mun eigindlegra og megindlegra aðferða í rannsóknum í hugvísindum en megináherslan verður á eigindlegar aðferðir og ýmsar tegundir rannsókna sem falla undir þær í annarsmálsfræðum. Rýnt verður í aðferðir við söfnun og greiningu gagna í tengslum við nýlegar kenningar á sviðinu. Nemendur fá innsýn í raunveruleg dæmi og takast sjálfir á við rannsóknir á þessu sviði.
Að nemendur hafi yfirsýn yfir sögu fagsviðsins, hafi þekkingu og skilning á mismunandi rannsóknaraðferðum í annarsmálsfræðum, hafi yfirsýn yfir ólík sjónarmið og hugmyndir sem stýra rannsóknum í annarsmálfræðum. Nemendur búi yfir þjálfun í rannsóknavinnu,s.s. gagnasöfnun og gagnagreiningu.
Yfirlits- og inngangsnámskeið í rannsóknaraðferðum annarsmálsfræða. Nemendur fá innsýn í mun eigindlegra og megindlegra aðferða í rannsóknum á fræðasviðinu og litið verður á ýmsar tegundir rannsókna sem falla undir þær í annarsmálsfræðum. Rýnt verður í aðferðir við söfnun og greiningu gagna í tengslum við nýlegar kenningar á sviðinu. Nemendur fá innsýn í raunveruleg dæmi og takast sjálfir á við rannsóknir á þessu sviði.
Að nemendur öðlist þekkingu og skilning á mismunandi rannsóknaraðferðum í annarsmálsfræðum, hafi yfirsýn yfir ólík sjónarmið og hugmyndir sem stýra rannsóknum á sviðinu. Nemendur fái grunnþjálfun í rannsóknavinnu, s.s. gagnasöfnun og gagnagreiningu.
Annarsmálsfræði, MA (120 einingar) (Fyrsta ár, Haust)