Fötlunarfræði, MA, 120 einingar
BA-, BS-, BEd-próf með fyrstu einkunn eða sambærilegt próf.
Unnt er að velja á milli tveggja kjörsviða:
1. Meistaranám í fötlunarfræði: Ljúka þarf 120 einingum. Námið skiptist í eftirfarandi hluta: Skyldunámskeið í fötlunarfræði 34 einingar, aðferðafræði rannsókna 10-20 einingar, MA ritgerð 30-60 einingar og valnámskeið allt að 46 einingar og þau eru tekin í samráði við leiðbeinanda.
2. Fötlunarfræði og opinber stjórnsýsla: Ljúka þarf 120 einingum. Námið skiptist í eftirfarandi hluta, skyldunámskeið í fötlunarfræði 34 einingar, skyldunámskeið í opinberri stjórnsýslu 24 einingar, bundið val í opinberri stjórnsýslu 6 einingar, aðferðafræði 16 einingar, valnámskeið 10 einingar og MA ritgerð 30 einingar.
Við lok meistaranáms í fötlunarfræðum skal nemandi hafa náð eftirfarandi viðmiðum:
Þekking
- Þekkja sögu, þróun og fræðileg viðfangsefni fötlunarfræða.
- Þekkja helstu kenningar og sjónarhorn í fötlunarfræðum og geta greint á milli þeirra.
- Geta greint menningarbundnar birtingarmyndir fötlunar og helstu áskoranir sem fatlað fólk mætir á lífsleiðinni út frá gagnrýnu sjónarhorni fötlunarfræða.
- Þekkja helstu rannsóknaraðferðir í fötlunarfræðum og hafa aflað sér rannsóknarreynslu á tilteknu sviði fræðanna.
- Geta fært rök fyrir eigin úrlausnum og sett þekkingu sína á fötlunarfræðum í fræðilegt og samfélagslegt samhengi.
- Þekkja grundvallaratriði í siðfræði vísinda og helstu siðferðilegu og aðferðafræðilegu álitamál á sviði fötlunarfræða.
Leikni
- Beita faglegum og siðlegum vinnubrögðum sem endurspegla virðingu fyrir fötluðu fólki. aðstandendum þess, fagfólki og fræðimönnum.
- Geta nýtt þekkingu sína og skilning til að takast við flókin viðfangsefni fötlunarfræðinnar í faglegu samhengi.
- Vera læs á rannsóknir, geta aflað fræðilegra gagna á sviði fötlunarfræða, metið þau og greint.
- Geta tekist á við flókin viðfangsefni og sett fram rökstudda skoðun út frá tiltækum upplýsingum.
- Geta beitt viðurkenndum rannsóknaraðferðum og tengt þær við þekkingargrunn og kenningar á sviði fötlunarfræða.
Hæfni
- Geta átt frumkvæði og unnið að fræðilegum og hagnýtum verkefnum tengdum fötlunarfræðum.
- Geta samþætt þekkingu og reynslu á fagsviðinu til að leysa margþætt viðfangsefni tengd fötlunarfræðum með greinandi og gagnrýnum hætti.
- Geta greint frá flóknum fræðilegum viðfangsefnum eða fræðilega rökstuddum niðurstöðum á sviði fötlunarfræða einn eða í samstarfi við aðra á fræðilegum vettvangi og við almenning.
- Geta nýtt og yfirfært þekkingu sína og skilning í faglegri vinnu á sviði rannsókna og þróunarstarfa í málefnum fatlaðs fólks.
- Geta metið sjálfstætt hvernig takast skuli á við flókin fræðileg úrlausnarefni og brugðist við með viðeigandi fræðilegri greiningu.
- Hafi þróað með sér nauðsynlega námshæfni og sjálfstæð vinnubrögð til að takast á við frekara nám.
Árdís Kristín Ingvarsdóttir aðjunkt.
Brynhildur G Flóvenz fyrrverandi dósent.
Eva Marín Hlynsdóttir prófessor.
Eva Jörgensen .
Eva Heiða Önnudóttir prófessor.
Hanna Björg Sigurjónsdóttir prófessor.
Joab Tirosh Huici Móðason .
Juan Camilo Roman Estrada verkefnisstjóri.
Kristjana Stella Blöndal dósent.
Rannveig Traustadóttir prófessor emerita.
Sabrina Rosazza aðstoðarmaður.
Sigurbjörg Sigurgeirsdóttir prófessor.
Sigurlaug Anna Jóhannsdóttir .
Snæfríður Þóra Egilson prófessor.
Stefan Celine Hardonk dósent.
Svanhildur Þorvaldsdóttir lektor.
Trausti Fannar Valsson dósent.
Unnar Geirdal Arason verkefnisstjóri.
Viktor Orri Valgarðsson stundakennari.
Þorvaldur Hauksson .
Fötlunarfræði er þverfagleg fræðigrein sem leggur áherslu á félagslegan skilning á fötlun og þátt menningar og umhverfis í að skapa, móta og viðhalda fötlun. Undirstaða fötlunarfræða er gagnrýnin nálgun á öll málefni sem tengjast fötluðu fólki bæði í fortíð og samtíð. Markmið námsins er að veita nemendum fræðilega og hagnýta þekkingu á fjölbreytilegum þáttum sem varða fatlað fólk og stöðu þess. Nám í fötlunarfræði er þverfaglegt og nemendur koma m.a. af sviðum félags-, hug- mennta- og heilbrigðisvísinda. Áhersla er lögð á að nemendur geti fléttað viðfangsefni fötlunarfræðinnar við sín áhugasvið. Námsbraut í fötlunarfræðum er rekin í öflugu alþjóðlegu samstarfi og nemendur eiga möguleika á að taka hluta námsins erlendis. Náið samstarf er við Rannsóknarsetur í fötlunarfræðum en þar er unnið að fjölmörgum innlendum og erlendum rannsóknarverkefnum.
Nám í fötlunarfræði er kennt í fjarnámi/netnámi. Fyrirlestrar eru fluttir í beinu streymi og hljóðritaðir og vistaðir á heimasvæði námskeiðs strax að þeim loknum. Kennarar setja kennsluáætlun, leslista, glærur og annað efni inn á heimasvæði hvers námskeiðs. Nemendur geta því hvort heldur sem er mætt á fyrirlestra í rauntíma eða af hlustað á upptökur síðar.
Viðfangsefni hverrar vikur er til umræðu í umræðutímum og á umræðuþráðum. Virk þátttaka nemenda skiptir miklu máli.
Námsmat og fyrningarreglur námsbrautar:
Námsbraut setur sér eftirfarandi reglur varðandi námsmat og mat á eldra námi í fötlunarfræði. Samþykkt á námsbrautarfundi 4. maí og milli funda í tölvupósti dags. 19. maí 2015. Staðfest á fundi deildarráðs 22. maí 2015.
Námsmat:
Námsmat í námskeiðum námsbrautar byggir að jafnaði á verkefnum, og heimaprófum. Til að standast námskeið þurfa nemendur að ná lágmarkseinkunninni 5 í hverjum þætti námsmats.
Fyrningarreglur:
Miðað er við 6 ára fyrningarreglu á einstökum námskeiðum námsbrautar með einkunn undir 6,0.
Miðað er við 8 ára fyrningarreglu á einstökum námskeiðum námsbrautar með einkunn undir 7,5.
Námskeið sem eru 10 ára og eldra er fyrnd.