Annarsmálsfræði, MA, 120 einingar
María Anna Garðarsdóttir aðjunkt.
Kennslutungumál (sjá fána)BA-próf með 1. einkunn og a.m.k. 10 eininga lokaverkefni, er skilyrði fyrir aðgangi að meistaranámi á háskólastigi. Námið er fyrst og fremst ætlað nemendum sem hafa lokið grunnnámi á háskólastigi á sviði hugvísinda.
Til MA-prófs er krafist 120 eininga. Námið skiptist í 30 einingar í skyldunámskeiðum, 60 einingar í valnámskeiðum og 30 einingar í meistaraprófsritgerð. Nemendur skulu ljúka minnst 60 einingum úr MA námskeiðum innan námsgreinar. Heimilt er að velja námskeið allt að 30 einingum úr skyldum greinum í samráði við greinarformann.
Að loknu námi er gert ráð fyrir að nemendur:
- hafi góða yfirsýn yfir þekkingargrunn á eðli tileinkunar annars máls;
- hafi þekkingu og skilning á aðferðum annarsmálsfræða og sögu fagsviðsins;
- geti beitt mismunandi aðferðum annarsmálsfræða við rannsóknir;
- hafi yfirsýn yfir ólík sjónarmið, aðferðir og hugmyndir sem stýra rannsóknum á því sviði eða sviðum sem rannsóknir þeirra taka til;
- geti sett eigið viðfangsefni í vítt samhengi, lagt sjálfstætt mat á ágreiningsefni innan fræðanna og borið eigin niðurstöður saman við niðurstöður annarra fræðimanna;
- geti tekið þátt í fræðilegum rökræðum um álitamál bæði í ræðu og riti;
- geti unnið vandaða rannsókn á sjálfstæðan hátt um viðfangsefni sem skiptir máli fyrir framvindu fræðilegrar umræðu;
- séu færir um að semja útdrætti og erindi fyrir fræðilegar ráðstefnur og skrifa fræðigreinar til birtingar í tímaritum;
- hafi þróað með sér sjálfstæð vinnubrögð við rannsóknir;
- geti sinnt kennslu fullorðinna í öðru og/eða erlendu máli á faglegum forsendum;
- fái innsýn og þjálfun í að kenna fullorðnum tungumál, þekki kennsluaðferðir og átti sig á tengslum aðferða og námsmarkmiða;
- hafi þekkingu og færni til að útbúa kennslugögn, skipuleggja námskeið og námsleiðir;
- hafi þekkingu og færni til að útbúa kennslugögn, skipuleggja námskeið og námsleiðir;
- geti valið kennsluaðferðir sem hæfa markmiðum náms og þörfum nemenda;
- séu færir um að semja útdrætti og erindi fyrir fræðilegar ráðstefnur og skrifa fræðigreinar til birtingar í tímaritum;
- hafi hæfni og þekkingu til að átta sig á tengslum rannsókna á máltileinkun og málnotkun fullorðinna við kennsluhætti;
- hafi fengið tækifæri til að brúa kenningar og reynd í æfingakennslu.
Ásrún Jóhannsdóttir aðjunkt.
Gísli Rúnar Harðarson stundakennari.
Guðrún Theódórsdóttir dósent.
Iris Edda Nowenstein nýdoktor.
Kolbrún Friðriksdóttir lektor.
María Anna Garðarsdóttir aðjunkt.
Sigríður D Þorvaldsdóttir aðjunkt.
Stefanie Bade nýdoktor.
Sveinn Yngvi Egilsson prófessor.
Námið er í samvinnu tveggja deilda á Hugvísindasviði; Íslensku- og menningardeildar og Mála- og menningardeildar. Erlendis og á Íslandi er stöðugt aukinn áhugi á annarsmálsfræðum, enda skipta þau máli hvað snertir meiri þekkingu á eðli máltileinkunar annars máls og bættar kennslu- og námsaðferðir. Þessi námsleið er svar við brýnni þörf fyrir betri menntun tungumálakennara sem kenna á háskólastigi og þeirra sem kenna fullorðnum tungumál á öðrum vettvangi. Námsleiðinni er einnig ætlað að efla rannsóknir á sviði annarsmálsfræða og tví- og margtyngis.
Námið er ætlað þeim sem hyggjast vinna við rannsóknir á fræðasviðinu og sem undanfari doktorsnáms og einnig þeim sem hyggjast leggja fyrir sig kennslu í öðru eða erlendu máli fyrir fullorðna og loks þeim sem vilja dýpka og víkka þekkingu sína á kennslu tungumála fyrir fullorðna.
Nemendur fá yfirgripsmikla fræðslu um stöðu þekkingar í annarsmálsfræðum og kennslufræðum annars máls. Þeir fá þjálfun í beitingu rannsóknaraðferða og æfingu í sjálfstæðum vinnubrögðum.
Markhópurinn er nemendur sem hafa lokið BA-námi í Íslensku- og menningardeild eða Mála- og menningardeild eða samsvarandi námi, starfandi tungumálakennarar og aðrir sem hafa áhuga á tungumálakennslu fullorðinna.